Presentación

                                                 

 

                         

 Sara A, Laura, Aylin, Antonio, Sara C, Borja, Lucía, Sergio, Gonzalo, Christian, Daniel, Alejandro, Paula e Gabriel.  

   

             

2012 - 2014

 Como xa sabedes, imos estar xuntos dous cursos: 2012 - 2013 e 2013 - 2014, así que, vouvos explicar como funciona o noso blog:

• Consta de dúas partes: a da esquerda que lle chamamos  "ENTRADAS"  e a da dereita onde atoparemos os  "ENLACES" e o "ARQUIVO" das entradas.

ENTRADAS

Para que serve?

• Para publicar os nosos traballos e fotos.
• Publicar vídeos feitos por nós.
• En xeral todo o traballo de creación propia.

 En que orde aparecen?

• Aparecen de máis antigo a máis recente. Así, os traballos dos cursos anteriores a vós aparecerán máis abaixo, en entradas antigas ou facendo clic  en "ARQUIVO"  á dereita.
• Os vosos traballos, polo tanto, aparecerán a partir desta entrada cara arriba.

Como se publica un traballo?

• Facendo clic arriba á dereita en "acceder".
• Mediante un contrasinal secreto.
• Así entro na parte privada do blog.
• Se non fora deste xeito calquera podería escribir  nel.

Quen publicará os traballos?

• Por agora só terei  acceso eu a publicar o que fagades vós.

  
ENLACES

Neste apartado hai todo tipo de enlaces organizados por materias e por meses. Segundo os contidos que vaiamos tratando irei subindo páxinas interactivas correspondentes a eses temas para reforzar o aprendido na clase.

 En xaneiro empezamos cos ordenadores. Estades preparados?!! 

Presentación

Ola chicos !!

Comezamos o curso 2011-2012! Ánimo! Seguro que  imos aprender  moitísimo e, ao mesmo tempo, intentaremos pasalo de marabilla.

Xa temos planificados e distribuídos os temas  que daremos ao longo do curso.

Nas LINGUAS, coma sempre, traballaremos especialmente a expresión escrita e a comprensión lectora no TALLER DE ESCRITURA. Este ano máis a fondo porque deberedes pasar á ESO sabendo escribir cunha certa corrección e sen faltas de ortografía, tanto en Lingua Castelá como en Lingua Galega.

En  COÑECEMENTO, PLÁSTICA E MATEMÁTICAS  utilizaremos a  Webquest    como ferramenta de investigación para traballar algúns temas, para iso solicitaremos  a aula de informática dúas horas.

 Investigaremos, primeiro,  o tema que elixistes vós: OS ECOSISTEMAS que corresponden ás unidades 4 e 5 de Coñecemento. Ide mirando no apartado de Webquest do Blog porque, pouco a pouco , colgarei as seleccionadas para este trimestre. Ademais, vouvos preparar outra divertidísima, que será individual e que provisionalmente se titula:  A MIÑA VIDA COMO UN RÍO na que te vas converter nun río europeo; o que che guste, o que máis coñezas, o que máis rabia che dea...Vai pensando!

Para EDUCACIÓN ARTÍSTICA teño seleccionada O DÍA DOS DEUSES, sobre Gauguin, un pintor impresionista.

En  Matemáticas faremos unha individual  e outra en grupo. Negociaremos, para elixir...

Coas  Webquest non faremos exames tradicionais  pero en todas  hai un último apartado  de avaliación e, de  aí, sairán as notas que contarán para o exame final. 

Este ano temos, tamén, unha nova materia : CIDADANÍA. En que consiste? Xa o veredes... pero, polo nome, xa o podedes imaxinar: aprender a ser bos cidadáns; nela, faremos debates que nos axuden a descubrir os nosos talentos e as nosas destrezas e, fomentaremos o traballo en grupo e as habilidades sociais.

Por agora non vos adianto máis... EMPEZAMOS!!!

Presentación

Ola! Somos os alumnos de 5º A do CPI Domingo Fontán de Portas e este é o noso blog que nos servirá, principalmente, como ferramenta de traballo. Nel poderedes atopar:

-          Información sobre o que imos facendo día a día na aula.

-          Actividades complementarias.

-          Enlaces con páxinas educativas…

Pero, non só iso! Tamén poderedes xogar coa nosa mascota Lissy e coñecer os nosos intereses: saber cales son os nosos libros e música favoritos, ver as fotos de actividades que imos facendo na clase e ata consultar temas de actualidade e xornais deportivos!

Por agora aínda está algo baleiro pero pouco a pouco irémolo ampliando todos xuntos! Animámosvos a que nos visitedes! Preparados?!!

Pois adiante!!